តើព្រះម៉ែឱម៉ាជានរណា? ហេតុអ្វីបានជាក្នុងប្រាសាទបុរាណរបស់ខ្មែរមានរូបព្រះម៉ែ?

តើព្រះម៉ែឱម៉ាជានរណា? ហេតុអ្វីបានជាក្នុងប្រាសាទបុរាណរបស់ខ្មែរមានរូបព្រះម៉ែ?

តើព្រះម៉ែឱម៉ាជានរណា? ហេតុអ្វីបានជាក្នុងប្រាសាទបុរាណរបស់ខ្មែរមានរូបព្រះម៉ែ?

នៅក្នុងពិធីតបយោគៈដែលប្រារព្ធដោយព្រះសីវៈដើម្បីផ្តល់ជីវិតដល់ពពួកសត្វលោក។ពិធីនេះគឺជាការសូត្រមន្ត នៅមកព្រះភ្លើង ស្រាប់តែកើតហេតុភេតដ៏អស្ចារ្យ មានដំណក់ទឹកសន្សើម បានធ្វើការផ្តុំគ្នាបង្កើតជារូបរាង្គមនុស្សស្រីម្នាក់ឈរនៅពីមុខព្រះសីវៈ។ព្រះសីវៈបើកព្រះនេត្រឡើងពីការធ្វើពិធីតបយោគៈ និងភ្ញាក់ផ្អើលចំពោះហេតុដ៏អស្ចារ្យនោះ ដោយព្រះទ័យពេញចិត្តចំពោះរូបសម្ភស្សស្អាតអស្ចារ្យរបស់នាង។ព្រះសីវៈបានផ្តល់ឈ្មោះឱ្យនាងថា”ឱមា”។ស្ត្រីដែលកើតឡើងពីទឹកសន្សើមនោះបានសួរទៅកាន់ព្រះសីវៈថា”ហេតុអ្វីបានជាព្រះអង្គហៅខ្ញុំម្ចាស់ថា ឱមា? តើអ្នកជានរណា?”។ព្រះសីវៈបានប្រាប់ស្ត្រីដែលកើតពីទឹកសន្សើមថា”ពាក្យថា ឱមា មានន័យថា ដំណក់ទឹកសន្សើម ព្រោះនាងកើតពីដំណក់ទឹកសន្សើមដែលផ្តុំបញ្ចូលគ្នាឡើងមក”។ព្រះសីវៈបានប្រាប់បន្តថា”យើងគឺជាម្ចាស់លោកទាំងបី យើងជាកំពូលអទិទេពនៃឋានទាំងបី ដែលមានឈ្មោះថា ព្រះមហេស្វរា (ព្រះមហេស្វរា=ព្រះសីវៈ)”។ព្រះនាងឱមាកាលបើបានលឺដូច្នោះក៏ធ្វើការគោរពបូជាហើយនាងសប្បាយរីករាយជាពន់ពេកពេលបានដឹងថាខ្លួនកើតចេញពីទឹកសន្សើមដែលនៅក្នុងពិធីតបយោគៈនោះ។ព្រះនាងឱមាបានសួរទៅកាន់ព្រះសីវៈដោយសេចក្តីងឺងឆ្ងល់ថា”ហេតុអ្វីបានជាព្រះអង្គសម្លឹងខ្ញុំម្ចាស់ដោយព្រះភ័ក្រញញឹមយ៉ាងនេះ?”។ដោយព្រះនាងឱមាសួរបែបនោះព្រះសីវៈក៏មានព្រះបន្ទូលថា”បានជាយើងសម្លឹងមើលព្រះនាងដោយព្រះភ័ក្រញញឹមបែបនេះគឺព្រោះដោយសារតែយើងពេញចិត្តប្រតិពន្ធដោយសេចក្តីស្នេហាលើព្រះនាង”។កាលបានលឺព្រះសីវៈមានព្រះបន្ទូលបែបនោះហើយព្រះនាងឱមាមានអារម្មណ៍អៀនខ្មាស់ព្រោះព្រះនាងជាស្ត្រីគ្រប់លក្ខណ៍នៅលើលោកទាំង៣ តែព្រះនាងក៏មានចិត្តប្រតិពន្ធលើព្រះសីវៈដែលនោះ ព្រះនាងឱមាក៏មានព្រហបន្ទូលទៅព្រះសីវៈថា”បើព្រះអង្គមានចិត្តប្រតិពន្ធលើខ្ញុំម្ចាស់មែន តើព្រះអង្គមានមេបា ជាអ្នកស្តីដណ្តឹងខ្ញុំម្ចាស់ដែរឬទេ?”។ព្រះសីវៈបានប្រាប់ទៅព្រះនាងឱមាថា”យើងមាន យើងមានមេបា គឺព្រះវិស្ណុ ព្រះព្រហ្ម ព្រះឥន្ធ និងព្រះផ្សេងៗទៀតដែលសុទ្ធសឹងជាអទិទេពធំៗនៅលើលោកទាំង៣នេះ សម្រាប់ផ្តល់ជាកិត្តិយសដល់ព្រះនាងណាឱមា”។ព្រះនាងឱមាបានថ្វាយបង្គំព្រះសីវៈហើយយល់ព្រមរៀបអភិសេកជាមួយព្រះសីវៈ ព្រះសីវៈសប្បាយចិត្តឥតឧបមា។

ពេលនោះហើយដែលពិធីមង្គលរៀបការព្រះសីវៈ និងព្រះនាងឱមា បានប្រារព្ធឡើង ហើយបាននាំព្រះនាងឱមាទៅឋានកៃលាសនៅឋានទេវលោក។នៅតាមផ្លូវធ្វើដំណើរនៅឋានកៃលាស មានហេតុដ៏ចំណែកអស្ចារ្យ ដោយបានឃើញសត្វគោមួយក្បាល តែមិនមានរូបរាង្គច្បាស់ ជួនឃើញក្បាល ជួនឃើញខ្លួន ជួនឃើញជើង ជួនឃើញកន្ទុយ។ពេលព្រះនាងឱមាឃើញដូច្នោះហើយ ក៏បានសួរទៅកាន់ព្រះសីវៈថា”ព្រះអង្គម្ចាស់ ព្រះអង្គមិនទាន់មានចំណងដៃសម្រាប់ខ្ញុំម្ចាស់ ក្នុងពិធីមង្គលការនៅឡើយទេ?”។ព្រះសីវៈមានព្រះបន្ទូលថាតើព្រះនាងចង់បានអ្វីជាចំណងដៃក្នុងពិធីមង្គលការ?”។ព្រះនាងឱមាបានចង្អុលទៅលើលំហអាកាសហើយមានព្រះបន្ទូលថា”ខ្ញុំម្ចាស់សត្វគោទិព្វនោះជាចំណង់ដៃដោយខ្ញុំម្ចាស់ឃើញវាមិនច្បាស់ជួនឃើញក្បាល ជួនឃើញខ្លួន ជួនឃើញជើង ជួនឃើញកន្ទុយ។សូមព្រះអង្គជួយផ្គុំគោនេះឱ្យចេញជារូបរាង្គផង”។ពេលព្រះនាងឱមាមានព្រះបន្ទូលចប់សព្វគ្រប់ហើយ ព្រះសីវៈបានងាកមុខមកព្រះព្រហ្មហើយក៏មានព្រះបន្ទូលថា”ព្រះព្រហ្មជាព្រះមានព្រហ្មវិហារធម៌ន័យលោកទាំងបី តើព្រះអង្គអាចឱ្យដំណក់ញើសដែលស្ថិតនៅកណ្តាលថ្ងាស់ព្រះអង្គដែលព្រះអង្គថែរក្សាទុកតាំងពីព្រះអង្គកើត និងជាវត្ថុទិព្វអាចប្រល័យលោកទាំងបីដោយគ្រោះទឹកជំនន់ មកឱ្យទូលបង្គុំបានដែលឬទេ”។ព្រះព្រហ្មអរាធនាថ្វាយដល់ព្រះសីវៈ។ពេលថ្វាយហើយ ដំណក់ញើសនៅលើថ្ងាស់ព្រះព្រហ្មក៏អណ្តែតមកកាន់ព្រះហស្ថព្រះសីវៈ។បន្ទាប់មកព្រះសីវៈបានងាកមកព្រះវិស្ណុ មានព្រះបន្ទូលថា”បពិតព្រះវិស្ណុកំពូលអទិទេពដ៏អស្ចារ្យនៅក្នុងលោក ជាអ្នកការពារលោកទាំងបីតើទូលបង្គុំអាចសុំពន្លឺឆព្វណ្ណរង្សីរបស់ព្រះអង្គលាយជាមួយដំណក់ញើសរបស់ព្រះព្រហ្មបានទេ?”។ព្រះវិស្ណុអារាធនាថ្វាយទៅព្រះសីវៈ ពេលបន្ទូលចប់ព្រះវិស្ណុបានរាំរបាំ បញ្ចេញពន្លឺឆព្វណ្ណរង្សីទាំងប្រាំមួយពណ៌មានពណ៌ខៀវ ពណ៌លឿង ពណ៌ក្រហម ពណ៌ស ពណ៌ហង្សបាត និងពណ៌ពេជ្របានចេញពីព្រះកាយរបស់ព្រះវិស្ណុហើយបានចូលទៅកាន់ព្រះហស្ថព្រះសិវៈ។ព្រះសីវៈបានលាយលាយដំណក់ញើសរបស់ព្រះព្រហ្មនិងពន្លឺឆព្វណ្ណរង្សីរបស់ព្រះវិស្ណុ និងបានបាចទៅលើគោផ្តុំរូបរាង្គបង្កើតជាគោដែលមានពន្លឺឆព្វណ្ណរង្សី ព្រះសីវៈបានហៅគោនោះថា”គោនន្ឌិន”។គោនន្ឌិន កាលមានរូបរាង្គពេញលេញហើយសប្បាយចិត្តជាខ្លាំង បានស្ទុះចុះទៅថ្វាយបង្គុំព្រះនាងឱមា និងព្រះសីវៈ។ពេលធ្វើដំនើរមកដល់ឋានកៃលាសហើយពិធីមង្គលបានចាប់ផ្តើម ព្រះសិវៈគងលើគោនន្ទិ លើកដៃទទូលព្រះនាងឱមា ហើយព្រះនាងឱមាដើរមករកព្រះសីវៈបាន៣ជំហានឈរនៅមុខព្រះសីវៈ ព្រះនាងឱមាមានព្រះបន្ទូលទៅកាន់ព្រះសីវៈថា”ប្រសិនបើព្រះអង្គចង់ឱ្យខ្ញុំម្ចាស់រៀបអភិសេកជាមួយព្រះអង្គនៅលើខ្នង គោនន្ឌិនព្រះអង្គត្រូវសន្យាជាមួយខ្ញុំម្ចាស់រឿងមួយ?”។ព្រះសីវៈមានព្រះបន្ទូលថា”ព្រះនាងឱមាចង់ឱ្យយើងសន្យារឿងអ្វីទៅ?”។ព្រះនាងឱមាមានព្រះបន្ទូលថា”ព្រះអង្គត្រូវប្រកាសឱ្យពពួលអទិទេពដឹងលឺថាព្រះអង្គត្រូវស្រលាញ់ខ្ញុំម្ចាស់តែម្នាក់គត់”។ព្រះសីវៈយល់ព្រមហើយបានប្រកាសឱ្យពពួកអទិទេពនៅឋានទេវលោកទាំងអស់ថាព្រះអង្គស្រលាញ់ព្រះនាងឱមាតែម្នាក់។ក្រោយពីពិធីមង្គលការចប់ពពួកអទិទេពហៅ”ព្រះម៉ែឱមា”វិញ៕