រឿងព្រះក្ឫស្ណៈសម្លាប់បិសាចគោអរិស្តៈ

រឿងព្រះក្ឫស្ណៈសម្លាប់បិសាចគោអរិស្តៈ



មានរូបចម្លាក់មួយផ្ទាំងនៅក្នុងប្រាសាទបាពួនដែលជាចម្ងល់ដល់អ្នកទស្សនា។ ហេីយបានចោតសំនួរថារូបនឹងស្ថិតនៅក្នុងរឿងអ្វី?ពេលនេះខ្ញុំសុំបកស្រាយរូបនេះដូចតទៅ៖
រឿងព្រះក្ឫស្ណៈសម្លាប់បិសាចគោអរិស្តៈ

បិសាចគោ អរិស្តជាបិសាចគោដែលមានកម្លាំងមហិមា សម្បីពពួកទេវតាក៏ខ្លាចញញើតមានហ៊ានប្រយុទ្ធជាមួយបិសាចគោនេះដែល។ការប្រកួតនេះ ព្រះក្ឫស្ណៈត្រូវស្វែងរកចំនុចខ្សោយរបស់បិសាចគោឱ្យបាន ។បិសាចគោអរិស្តមានចំនុចខ្សោយរបស់វាគឺជាស្នែងទិព្វរបស់វា។ ព្រះក្ឫស្ណៈបានប្រយុទ្ធជាមួយសត្វគោនេះតាំងពីឋានសួគ៌ រហួតមកដល់ឋានកណ្តាល ធ្លាយទៅវាយគ្នាទៅឋាននរកទៀត ដែលធ្វើអោយអង្គព្រះក្ឫស្ណៈបានប្រឈមមុខនឹងការប្រយុទ្ធមិនឈ្នះមិនចាញ់ហើយក៏មិនអាចសំលាប់បិសាចគោបានធា្លក់រហូតឡើងទៅដល់ជើងភ្នំមេរុ។ព្រះក្ឫស្ណៈបានប្រើប្រាស់អង្គកាយរបស់ព្រះអង្គទប់ជាមួយបិសាចគោឡើងញ័រភ្នំមេរុ។ កាលពេលដែលភ្នំមេរុញ័រក៏បានរញ្ជួយទៅដល់ភ្នំកៃលាសដែលជាឋានព្រះសីវៈគង់នៅ។កាលបើព្រះសិវៈដឹងថាព្រះក្ឫស្ណៈប្រយុទ្ធជាមួយបិសាចគោអរិស្តៈរហូតជើងភ្នំមេរុហើយនោះ ព្រះសីវៈបានប្រទានកំលាំងទិព្វទៅព្រះក្ឫស្ណៈ។ព្រះក្ឫស្ណៈកាលបានកម្លាំងទិព្វហើយក៏បានធ្វើអោយព្រះអង្គមានកម្លាំងចាប់ខ្វែសភ្នែកទិព្វភ្នែកពេជ្រទាំងសងខាងរបស់បិសាចគោ អរិស្ត និងក៏បានសំលាប់សត្វគោ អរិស្តដោយសំលាប់បិសាចគោដោយការដកស្នែងគោដែលមានវិធីសាស្រ្តក្នុងការដក បើមិនដូច្នោះទេមិនអាចសំលាប់បិសាចគោ”អរិស្ត”បានទេ ដោយព្រះក្ឫស្ណៈប្រើព្រះហស្ថខាងស្តាំដកស្នែងខាងឆ្វេងហើយព្រះហស្ថខាងឆ្វេងចាប់ដកស្នែងខាងស្តាំដោយការខ្វែងដៃគ្នា។បើសិនជាព្រះក្ឫស្ណៈដកស្នែងគោដោយមិនបានខ្វែងដៃគ្នាទេនោះ ស្នែងដែលដកបានគឺត្រូវរលាយដុះសាជាថ្មីដូចដើមវិញ។ តែបិសាចគោ អរិស្ត មិនទាន់រលាយនោះទេគឺត្រូវចាំរហូតដល់១០០០ឆ្នាំទិព្វ (មួយពាន់ឆ្នាំទិព្វ)ទើបបិសាចគោនេះរលាយអស់ពីភពផែនដី (បិសាចគោស្លាប់នៅឋាននរក)។ពេលបានឈ្នះហើយព្រះក្ឫស្ណៈបានសុំពរព្រះសីវៈធ្វើអោយព្រះអង្គទ្រង់មានអាយុត្រឹមតែ៧ព្រះវស្សាហើយចាំចាស់ទុំបន្តរហូតដល់ពេញកំលោះទៀត។