រឿងព្រះក្ឫស្ណៈសម្លាប់បិសាចសេះ

រឿងព្រះក្ឫស្ណៈសម្លាប់បិសាចសេះ គេស៊ិន
មានបិសាចសេះមួយក្បាលដែលមានធ្មេញដូចចង្កូមខ្លា ក្រញាំដៃ ក្រញាំជើងគឺដូចក្រញាំខ្លា ដែលមានមហិទ្ធរឹទ្ធនៅលើក្រចក និងនៅលើធ្មេញ តែងតែសម្លាប់អ្នកភូមិ ចាប់ហែកអ្នកភូមិមកធ្វើជាចំណីអាហារ ហើយសត្វទាំងកាច សាហាវ និងមិនកាចសាហាវ ក៏ត្រូវបានបិសាច គេស៊ិន សម្លាប់ ហែកស៊ីទាំអស់។ ហើយក៏ជាសម្លាញ់របស់ស្ដេចកំណាច កាំសៈ ដែលជាឪពុកធំរបស់ព្រះក្ឫស្ណៈ ដែលមានកំនើតចេញពីសេ្ដចបិសាច កាឡានាមិ បានបញ្ជាឲ្យបិសាចសេះ គេស៊ិន មកសម្លាប់អ្នកភូមិ នន្ទៈ ដែលជាភូមិឋានរបស់ព្រះក្ឫស្ណៈរស់នៅ កាលនោះព្រះក្ឫស្ណៈទើបតែមានអាយុ ៦ឆ្នាំប៉ុននោះ។ ម្លោះហើយលោកបានឮសូរសំឡេងស្រ្តីស្រែកឲ្យជួយនៅក្នុងព្រៃ ព្រាហ្មណារាវៈ លោកក៏ស្ទុះរត់ទៅដូចព្យុះសំដៅទៅកាន់ចំណុច នឹងក៏បានជួបជាមួយព្រះពលរាម កំពុងគង់នៅលើមែកឈើ ក្រោកឡើងក៏មានបន្ទូលថា៖ ដល់ពេលវេលាហើយដែលម្ចាស់លោកា ព្រះអង្គត្រូវតែសម្លាប់ស្ដេចសេះ គេស៊ិន ឲ្យផុតពីលោកនេះ គឺដល់ពេលវេលាហើយក្រាបទូល សុំយាង តែព្រះអង្គកុំភ្លេច ដើម្បីសម្លាប់ដួងព្រលឹងអមតបស់ស្ដេចសេះ គេស៊ិន បានព្រះអង្គត្រូវដកធ្មេញ ដកក្រចកជើងរបស់ស្ដេចសេះ គេស៊ិន នឹងឲ្យអស់ទើបបានបិសាច គេស៊ិន នោះនិងស្លាប់មិនអាចចាប់កំ នើតវិញជារៀងរហូត កុំភ្លេចសម្ដីរបស់ទូលបង្គុំ ហើយត្រូវប្រើព្រះហស្តខាងឆ្វេង ពុះឲ្យចំកណ្ដាលក្បាលរបស់បិសាច គេស៊ិន គឺវានិងមរណហើយ។ ម្លោះហើយលោករត់មកដល់បានឃើញបិសាចសេះគេស៊ិន បំរុងលើកជើងហែកស្រ្តីអ្នកភូមិធ្វើជាចំណីនោះ ព្រះក្ឫស្ណៈ ក៏បានចូលទៅប្រយុទ្ធជាមួយបិសាចសេះគេស៊ិន ហើយព្រអង្គបានចាប់ជើង ដើម្បីដកយកក្រចកជើងទាំងអស់របស់ស្ដេចបិសាចគេស៊ិន ដែលដូចក្រញាំខ្លា ហើយបានចាប់ហែកបាត់ស្ដេចសេះនោះដកធ្មេញស្រួចៗដូចចង្កូម ពេលដកហើយស្ដេចសេះគេស៊ិន បានអស់រឹទ្ធ ពេលអស់រឹទ្ធភ្លាម ព្រះក្ឫស្ណៈក៏បានប្រើព្រះហស្តខាងឆ្វេង ពុះចំកណ្ដាលក្បាល ក៏ធ្វើឲ្យរហែកអង្គកាយរបស់ស្ដេចបិសាចសេះគេស៊ិន មរណក្នុងពេលនោះទៅ។