ព្រះក្ឫស្ណៈសម្លាប់បិសាចជ្រូកវីយាវៈ

ព្រះក្ឫស្ណៈសម្លាប់បិសាចជ្រូកវីយាវៈ ជារូបមួយផ្ទាំងតូចមួយនៅក្នុងប្រាសាទ"បាពួន"។ តើរូបនេះមានអត្ថន័យ និងបង្កប់ន័យអ្វីខ្លះ?

ព្រះក្ឫស្ណៈបានសម្លាប់បិសាចជ្រូកដែលមានឈ្មោះថា៖ វីយាវៈ។ បិសាចជ្រូកគឺជា មិត្តភក្រ័្តសំណព្វចិត្តជាមួយស្ដេចកំណាច កាំសៈ មានខ្នាយទិព្វពីរ ហើយថ្ងៃមួយបានទទួលបញ្ជាពី កាំសៈ ទៅឆ្មោះឈ្មុលផែនដីដើម្បីរំលាយនគររបស់ព្រះក្ឫស្ណៈដើម្បីសម្លាប់ពលរាមឲ្យបាន។ នៅពេលដែលឈ្មុលផែនដីក្លាយទៅជារលកភ្នំ អ្វីៗទាំងអស់ត្រូវដួលខ្ទេចខ្ទីអស់ ចាកផុតពីកន្លែងដើមអស់ លិចកប់ទៅក្នុងដីអស់ដោយសាររលកផែនដី។ ព្រះពលរាមបានចេញច្បាំងជាមួយបិសាចជ្រូក វីយាវៈទប់នឹងរលកផែនដីមិនបាន ព្រះក្ឫស្ណៈក្រឡេកឃើញស្ទុះរត់មកគ្រាបងជាប់ ហើយបានប្រើជើងទប់ពីរលកផែនដីដោយប្រើបាតជើងទិព្វរបស់ព្រះអង្គ ពេលនោះរលកផែនដីក៏បានរាបដូចដើម ភ្នំបានផុសមកកន្លែងដូចដើម ធម្មជាតិទាំងអស់បានវិលមកកន្លែងដើមវិញ។ ហើយស្ដេចជ្រូព្រៃ វីយាវៈត្រូវបានបាតជើងរបស់ព្រះក្ឫស្ណៈជាន់ជាប់ចាប់ដកខ្នាយ ខ្នាយពេជ្រទាំងសងខាងរបស់បិសាចជ្រូក វីយាវៈ ត្រូវព្រះក្ឫស្ណៈជាន់ជាប់ ហើយក៏បានកាត់កររបស់បិសាចជ្រូកនោះឲ្យស្លាប់នៅពេលនោះតែម្ដងទៅ៕