មានរូបជាច្រេីនដែលនៅតាមផ្តែ ហោជាង និងជញ្ជាំងប្រាសាទ បាននិយាយពីរឿងព្រះក្ឫស្ណៈសម្លាប់បិសាចតោ និងដំរី។តេីរឿងរាវនោះបែបណា?
បិសាចតោឈ្មោះ សង្ហា និងបិសាចដំរីឈ្មោះ កាវាលីយាពីដា នេះជាមិត្តសម្លាចរបស់ស្តេចកំណាចកាំសៈ។ស្តេចកាំសៈបានបញ្ជាឱ្យបិសាចតោនិងដំរីមកសម្លាប់ព្រះក្ឫស្ណៈដែលរស់នៅ ភូមិ នន្ទៈ។ បិសាចតោនិងបិសាចដំរីពេលទៅដល់ក្នុងភូមិ នន្ទៈ បានធ្វើការសម្លាប់ប្រជាជនក្នុងភូមិ និង បានបន្លាចអ្នកភូមិឱ្យរត់ចេញពីផ្ទះសំបែងរបស់ពួកគេទាំងអស់។ កាលបើឃើញហេតុដូច្នោះព្រះក្ឫស្ណៈក៏មិនអាចទ្រាំឃើញការស្រែយំ ការឈឺចិត្ត ការព្រាត់ប្រាស់របស់អ្នកភូមិមិនបាន ក៏បានធ្វើការប្រយុទ្ធជាមួយបិសាចតោនិងបិសាចដំរីតែម្តង។បិសាចតោ សង្ហា ត្រូវបានព្រះក្ឫស្ណៈ ចាប់ប្រឡះស្បែក បកយករោម ហើយទាញគ្រវីពីលំហអាកាស និងបោកទៅនឹងថ្ម។ ចំណែកឯបិសាចដំរីវិញបានត្រូវព្រះក្ឫស្ណៈ សម្លាប់ដោយចាប់ប្រមោយ និងកន្ទុយ ប្រទាញបោកទៅនឹងដីចំនួន២៥ជំហាន ដោយមួយជំហានបោកបិសាចដំរីកាវាលីយាពីដាម្តង។នៅដល់ជំហានទី២៣ព្រះក្ឫស្ណៈបានចាប់ដកភ្លុកខាងឆ្វេង ជំហានទី២៤ចាប់ដកភ្លុកខាងស្តាំ និងជំហានទី២៥ព្រះក្ឫស្ណៈបានចាប់ក្របួចប្រមោយដំរីដើម្បីឱ្យបិសាចដំរីកាវាលីយាពីដាដកដង្ហើមលែងបាន ក៏បានស្លាប់ទៅ៕
No comments:
Post a Comment