តើអ្នកដឹងទេថានៅសម័យមហាអង្គរ​ ព្រះមហាក្សត្រខ្មែរបានកសាងបារាយណ៍ប៉ុន្មាន?

តើអ្នកដឹងទេថានៅសម័យមហាអង្គរ​ ព្រះមហាក្សត្រខ្មែរបានកសាងបារាយណ៍ប៉ុន្មាន?



នៅសម័យអង្គរចំណុចសំខាន់ក្នុងវិស័យសេដ្ឋកិច្ចគឺនយោបាយទឹកសម្រាប់វិស័យកសិកម្ម និងពាណិជ្ជកម្មក្នុងនិងក្រៅប្រទេស។ព្រះមហាក្សត្រខ្មែរដែលបានធ្វើការជីកបារាយណ៍ទាំង៥នៅតំបន់បរិវេនអង្គររួមមាន៖
• បារាយណ៍លលៃ ឬបារាយណ៍ឥន្ទ្រតដាក មានបណ្តោយ៣០០០ម៉ែត្រឬ៣៥០០ម៉ែត្រនិងទទឹង៨០០ម៉ែត្រឬ៧៥០ម៉ែត្រ កសាងដោយព្រះបាទឥន្ទ្រវរ្ម័នទី១(៨៧៧ដល់៨៨៩)។
• បារាយណ៍ខាងកើតឬបារាយណ៍យសោធរតដាក មានបណ្តោយ៧០០០ម៉ែត្រ និងទទឹង១៨០០ម៉ែត្រកសាងដោយព្រះបាទយសោវរ្ម័នទី១(៨៨៩ដល់៩១០)។
• បារាយណ៍ខាងលិច ឬបារាយណ៍ទឹកថ្លា ឬបារាយណ៍បទុមមន្ទាកិណី មានបណ្តោយ៨០០០ម៉ែត្រ និងទទឹង២២០០ម៉ែត្រ កសាងដោយព្រះបាទសូរិយវរ្ម័នទី១(១០១០ដល់១០៥០) និងឧទយាទិត្យវរ្ម័នទី២(១០៥០ដល់១០៦៦)។
• បារាយណ៍ខាងជើង ឬបារាយណ៍ជ័យតដាក មានបណ្តោយ៣៥០០ម៉ែត្រ និងទទឹង៩០០ម៉ែត្រ កសាងដោយព្រះបាទជ័យវរ្ម័នទី៧(១១៨១ដល់១២២០)។
• ស្រះស្រង់ដែលនៅមុខប្រាសាទបន្ទាយក្តីជាបារាយណ៍ដែលតូចជាងគេ មានបណ្តោយ៧០០ម៉ែត្រ និងទទឹង៣៥០ម៉ែត្រ កសាងដោយព្រះបាទរាជេន្ទ្រវរ្ម័នទី២(៩៤៣ដល់៩៦៨)។