សុភាសិត “ឃ”
សុភាសិត “ឃ”
- ឃាត់កំហឹងដោយប្រឹងអត់អោយបាន ឃាត់ពាលសាមាន្យដោយអាជ្ញា បុគ្គលឃាត់ចិត្តចាកទោសា ប្រសើរថ្លៃថ្លាក្នុងលោកិយ។
- ឃាត់ចិត្តចាកក្តីស្នេហា ក្នុងកាមតណ្ហានាលោកិយ ដូចយកអំបោះចងដំរី ពិបាកពេកក្រៃគួរវៀរមុន។
- ឃុបឃិតជនពាលរាលទុក្ខដល់ខ្លួន។
- ឃុបឃិតបណ្ឌិត សុខមួយជីវិតឥតទុក្ខា
- ឃើញខ្លាដេកថាខ្លាស្លាប់ ឃើញខ្លាក្រាបថាខ្លាសំពះ
- ឃើគេទៅកុំអោយខាន ឃើញគេបានកុំអោយទៅ
- ឃើញឈើពុកកុំអាលដាក់គូថអង្គុយ ឬ (កុំអាលដាក់គូថលើ)
- ឃើញដំរីជុះ កុំជុះតាមដំរី ឬ (ដំរីជុះ កុំជុះតាមដំរី)
- ឃើញថ្លុកថាជាថ្នល់ ក្រែងកំហល់កំហុសមាន
- ឃើញពីនាយកុំអាលទាយអាក្រក់ល្អ លុះឃើញជាក់ជាខ្មៅសទើបថាបាន បើបណ្តោយតាមគំនិតដែលគិតស្មាន នឹងរំខានព្រោះការខុសកំហុសខ្លួន
- ឃើញសម្បកថាខ្លឹមរុក្ខា យល់ពួកបច្ចាថាជាមិត្រ ពាលច្រឡំថាបណ្ឌិត ច្រឡំលាមកពិតថាបុប្ឆា
- ឃ្មុំកន្លង់វៀរបង់ឈើគ្មានផ្កា សត្វម្រឹគាវៀរបង់ព្រៃភ្លើងឆេះ សត្វបក្សីវៀរឈើគ្មានផ្លែបេះ ចោរតែងវេះវៀរចាកចោរ៍បុព្វេ
- ឃ្លានកុំអាលស៊ី ងងុយកុំអាលដេក
- ឃ្លានក្រៃណាឆ្ងាញ់ ស្រលាញ់ក្រៃណាល្អ ឬ (ពិសាក្រៃណានឹងឃ្លាន អាក្រក់ប៉ុន្មានក្រៃណានឹងចិត្ត)
- ឃ្លេមិនខ្លាចទៅខ្លាចខ្លា (រឿងអាខ្វាក់អាខ្វិន)
- ឃ្លោកលិច អម្បែងអណ្តែត
- ឃ្វាលក្របីជិះក្របី ឃ្វាលគោជិះគោ
- ឃ្វាលចិត្តលំបាកពេកពិត ដូចឃ្វាលពពក
- ឃ្វាលគោក្របីដោយអាជ្ញា ឃ្វាលចិត្តល្អជាដោយអំណត់
- ឃ្វាលចិត្តឥតកំណាញ់ ដោយលះបង់កុំប្រណី ឃ្វាលនគរដោយពលរដ្ឋប្រុសស្រី រួមសាមគ្គីតាមរដ្ឋបុរសជាតិ
No comments:
Post a Comment